MDM-in zaithiamte lawmpuina hun hmang

Music Domain Mizoram (MDM) chuan nimin, November 25, 2024 khan Felicitation Event an hmang.

Home Away, Mualpuia hun hmanah hian Ṭhazual Awards 2024 awardee te, tun hnaia zaithiam intihsiakna, LPS Youth Icon 2024 Top 10 leh Praise on 2024 Top 5 te hnenah lawmpuina hlan an ni. Anni bakah Nagaland-a band intihsiakna lian, 'Ticket to Hornbill'-a pahnihna, The Prophets, Mizo zaithiam zinga YouTube-a subcriber 1 million nei thei Esther Hnamte leh India ram puma folksong intihsiaknaa thleng sang tak, Mabiaki Pachuau te hnenah lawmpuina hlan an ni bawk. Hun hlimawm tak hman niin, Praise on 2024 winner Lalthlanawma, Youth Icon 2024 Lalsangliana, Ṭhazual Awards 2024 best new artist (gospel), Laldinsangi, Esther Hnamte, Youth Icon star J. Lalrosanga leh Lalhmingmawia te an zai a, zanriah an kil ho nghal bawk.

MDM hian May-November, 2024 chhunga YouTube royalty an sem bawk a, an sum sem chhuah hi Rs 80,000 chuang niin, Seraphic Choir chu royalty dawng hnem ber a ni a, The Radio band-in an dawt a ni. MDM artist eng emaw zatin royalty hi an dawng a ni.