Chicago-ah Jungkook look-alike contest buatsaih

US-a Chicago-ah BTS member, Jongkook look-alike contest neih a ni. A winner hian soju bur khat leh USD 20 lawmmanah a dawng. Fan tel an thahnem hle.

Jungkook look-alike contest winner hi Andrew Alexander, YouTuber niin subscriber hi nuai 2.6 vel a nei mek. Intihsiaknaah hian t-shirt var oversize hain, puffer jacket dum, gray acid-wash jeans a ha. Hei bakah Jungkook-a tattoo ang leh, a hmui leh beng a verhna angah pawh a rawn verh ve bawk a ni. Andrew hi kum li liam ta khan Jungkook lemah a lo chang tawh bawk a, hei vang hian ARMY lam hriat pawh a lo hlawh tawh viau. Look-alike contest-a tel tur hian California aṭangin Chicago hi a pan a, a farnu-in a ṭawiawm a ni. Tun hnaiah mi larte look-alike contest hi an nei fo a, thla hmasa khan Timothee Chamalet look-alike contest neih niin mipuiin an lawm hle a, a hnuah Zayn Malik, Harry Styles, Dev Patel leh Jeremy Allen White look-alike contest te pawh neih a ni bawk.