'Thih leh Dam - II' a en theih tawh

Mizo crime leh action movie, 'Thih leh Dam - II' chu nizan, November 26, 2024 zan khan Saikuti Hall, Lunglei-ah tlangzarh a ni a, Lersia Play-a lei theiha chhawp chhuah a ni ta.

'Thih leh Dam - II' hi kum February-a tih chhuah, 'Thih leh Dam' chhunzawmna a ni a, director leh scriptwriter hi B. Lalbiakvela leh director of photographyhi Ngaihawma Fanai bawk an ni leh. Anni pahnih hian a hmain 'Dengi I Love You', 'Nukawki Pasal' leh 'Mokawr' pawh siam tawhin, an hlawhtlinpui hle a ni. 'Thih leh Dam - II" hi a film hmasa zawka aia hmuhnawm leh ṭha zawk tura an beisei thu sawiin, shooting pawh hi an nei rei hle.

A changtute pawh hi a film hmasa lama kan lo hmu tawhte an ni hlawm a, Gilbert Colney, Msi Chhangte, Angela Nunhlupuii, MC Remruathlui, F. Lalhlira, David Zawma, B. Lalengmawia leh NSa Lianhna te an chang a ni.