Miley Cyrus-in Bruno Mars hla entawna puhna a pha

Miley Cyrus chuan 2023-a khawvel huapa a lar pui, 'Flowers' hla a siam chu kum 2013-a Bruno Mars hla tih chhuah, 'When I Was Your Man' a entawn nia puhna chu pha a, copyright palzuta puhna thehluh chu hnawl turin a ngen.

'When I Was Your Man' copyright neitu zinga mi, Tempo Music Investments chuan Cyrus hla thluk leh thu phuah dan tam tak chu Mars-a hla nena inzul tak leh entawn tiin an puh a, nikum September thla khan court-ah an khing a ni. Mahse Cyrus leh a legal team chuan hei hi phain, Los Angels federal court-ah an puhna hi hnawl turin an ngen ve thung. Tempo Music chu track copyright neitu pumhlum ni loin, a neitu zinga mi chauh a ni a, hei vang hian copyright palzuta puh chungchanga khing thei an ni lo niin an sawi. Tempo Music hian Miley Cyrus chauh ni loin, co-writer Gregory Hein leh Michael Pollack bakah, distributor Apple leh Sony Music Publishing pawh a khing tel bawk.