'Slumdog Millionaire' chhunzawmna siam dawn

Oscar-winning movie 'Slumdog Millionaire' tih chhuah a ni aṭanga kum 15 chuang hnuah a chhunzawmna leh TV adaptation siam a ni dawn. Production company din thar, Bridge7 chuan original ti chhuak tu, UK-a Celador te hnen aṭangin film sequel leh TV rights hi an nei tawh a ni.

Kum 2008-a chhuak, Dev Patel leh Freida Pinton-te channa, 'Slumdog Millionaire' kha Danny Boyle direct niin, khawvel huapin a hit hle. Academy Awards pariat a la thei a, heng zingah hian Best Picture leh Best Director pawh a tel. BAFTA Awards pasarih leh Golden Globes pali a la bawk. A chhunzawmnaah hian a original cast-te hi an lo kir leh dawn em tih sawichian a la ni lo. A chhunzawmnaa hian Jamal-a hringnun hman chhoh zel dante thlurbing a ni leh ang.