Billboard 200 : ATEEZ in Linkin Park an khûm

Billboard 200 album chart-ah South Korean boy band, ATEEZ chuan Linkin Park khumin an album thar ber, "GOLDEN HOUR: Part.2" chu No 1 an nihpui. Top 10-ah hian BTS Jimin bakah Enhypen an lang bawk.

"GOLDEN HOUR: Part.2" hi November 15-a tlangzarh kha niin, tlangzarh karah US-ah equivalent album unit 184,000 a nei thei a, kumin chhunga album tih chhuah zinga tlangzarh karah che ṭha parukna a ni pha. He album-a hlate hian on-demand official stream mtd 6.43 neii, album sale hi 179,000 a tling bawk.

Kum sarih hnua Linkin Park studio album tih chhuah leh hmasa ber, 'From Zero' chu No 2-ah awmin, equivalent album unit 97,000 an nei a, album sale 72,000 an nei bawk. Kar thum chhung No 1 dinhmun lo hauhtu, Tyler, The Creator "CHROMAKOPIA" chu No 3-ah tla thlain, equivalent album unit 81,000 a nei.

BTS member Jin debut solo album, "Happy" chu No 4-ah a rawn lang a, BTS member zinga solo-a Top 10-a lang thei pasarihna leh hnuhnung ber a ni. Sabrina Carpenter "Short n' Sweet" chu Top 5-ah a la lang bawk. Top 10-ah hian K-pop band, ENHYPEN lang bawkin, "ROMANCE: UNTOLD" chuan No 7 dinhmun a luah bawk.

Billboard 200 Top 10 :

1. "GOLDEN HOUR: Part.2" - ATEEZ

(184,000 units)

2. "From Zero" - Linkin Park

(nearly 97,000 units)

3. "CHROMAKOPIA" - Tyler, the Creator

(81,000 units)

4. "Happy" - Jin

(77,000 units)

5. "Short n' Sweet" - Sabrina Carpenter

(72,000 units)

6. "Cosa Nuestra" - Rauw Alejandro

(67,000 units)

7. "ROMANCE: UNTOLD" - ENHYPEN

(54,000 units)

8. "The Secret of Us" - Gracie Abrams

(50,000 units)

9. "Hit Me Hard and Soft" - Billie Eilish

(49,000 units)

10. "The Rise and Fall of a Midwest Princess" - Chappell Roan (43,000 units)