PETA in Ice Spice sawisel

Animal welfare organisation, People for the Ethical Treatment of Animals (PETA) chuan rapper Ice Spice chu Fame Park Zoo-a ramsa awmte thla a lakpui chungchangah sawiselin, hetiang zawnga in tih lar tum lo turin an ti.

Ice Spice hi billionaire, Dr Saif Belhasa chuan a private zoo tlawh turin a sawm a, hetah hian sakei no, sloth, rul leh python te thla lakpuiin a thlalakte hi a Instagram lamah a dah a ni. Mahse PETA lam chuan an lo sawisel a, Royal Society for the Prevention of Cruelty to Animals (RSPCA) pawhin ramsate chu in tihhlimna atana hman tur a ni lo tiin, sahuan enkawltute pawh an sawisel bawk. He zoo hi mi lar dang, Lionel Messi, Mariah Carey, Andrew Tate leh Blac Chyna te pawhin an lo tlawh a, heng pawh hi animal welfare advocate te chuan an lo sawisel tawh bawk.