China-ah PK a hlawhtling

Aamir Khan-a movie hlawhtling PK chu China-ah pawh a hlawhtling hle. China-ah he film hi May 22 aṭang khan chhuah ṭan a ni a, screen 5,400-ah chhuah a ni. Heng aṭang hian, tun thlengin dollar maktaduai 7.03 zet a lalut tawh.

PK film hi khawvel hmun hrang hrangah an dawngsawng ṭha hle a, India ram pawna Hindi film tihchhuah tawhah, China bika hlawhtling ber a ni. Hei bakah hian Australia, New Zealand leh Pakistan-ah te pawh Bollywood film tihchhuah tawhah PK hi sum lalut hnem ber a ni bawk.
Aamir Khan hi a hlawh­tling thei hle. Indian film, India pawna sum lalut hnem ber ber pathum chu Aamir Khan-a channa vek a ni a, lalut hnem ber chu PK hi a ni tawh a, a dawtah Dhoom 3 kha a ni a, a dawt leh chu 3 Idiots kha a ni.