Twenty One Pilots album hralh a nuam ber

US lamah chuan Twenty One Pilots album tihchhuah thar chu album hralh nuam ber a ni a, tunkar chhung khan an album copy 147,000 hralh a ni. Twenty One Pilots hi mi pahnih an ni a, tuna an album Blurryface hi Billboard 200 chart-a pakhatna hauh thei hmasa ber a ni.

Twnety One Pilots album hralh chhuah zawng zawng zinga 134,000 hi chu album pangngai a ni a, a bak hi album tlukpui a ni thung. Tuna mi, Blurryface hi an album palina a ni a, an album hmasa zawk Vessel chu kum 2013-a an tihchhuah kha a ni a, tun thlengin he album hi copy 265,000 an hralh tawh a, kar tin copy 1000 hralh ziah ang an ni.

Taylor Swift-in hma a rawn sawn thar leh hle a, pakuana aṭangin pahnihnaah a rawn chho leh dawrh. A album 1989 kha pakuanaah a awm a, top 10 aṭangin a chhuak mai hnai tawha a lan laiin, tunkar chhung khan a album copy 91,000 ngawt a hralh belh leh a ni.

Pitch Perfect 2 OST chu pathumnaah a la awm a, he album hi hapta hnih zawrh chhuah a nih hnuah, tunkar chhung khan copy 74,000 lai an la hralh thei. Palinaa mi, Zedd-a album pahnihna, True Colors chu rawn lang thar a ni a, kar khat chhungin copy 50,000 hralh a ni.

Billboard album chart

"Blurryface" - Twenty One Pilots (147,000)

"1989" - Taylor Swift (91,000)

The "Pitch Perfect 2" Soundtrack - Various Artists (74,000)

"True Colors" - Zedd (50,000)

"Title" - Meghan Trainor (47,000)

"The Voice: The Complete Season 8 Collection" - Sawyer Frederick (41,000)

"Just as I Am" - Brantley Gilbert (39,000)

"X" - Ed Sheeran (38,000)

The "Furious 7" Soundtrack - Various Artists (36,000)

"Hollywood: A Story of a Dozen Roses" - Jamie Foxx (36,000)