NewJeans-in an agency chhuahsan

K-pop group lar, NewJeans chuan an agency, Ador chu an chhuahsan tih an sawi. NewJeans member pangate hi agency-in a enkawl danah an lungawi lo hle a, Ningani zan tlai tawh takah khan press conference neiin an chhuahsan thu hi an sawi.

Hetih lai hain Hybe hnuaia awm, Ador hian NewJeans nena an contract siam bawhchhiat engmah a nei lo a, an contract pawh a la ngai reng tih a sawi ve thung. NewJeans producer Min Hee-Jin leh Hybe chairman Bang Si-hyuk te inkar hi a ṭha lo hle a, chanchinthar lam pawh a luah fo. NewJeans hian Ador hi kum sarih contract an ziahpui a, kum 2029 thleng awh tir a ni. Mahse a lehlam ve ve hian an inemna siamte an bawhchhia a nih chuan contract hi tih tawp theih nia sawi a ni. Mahse Ador lamin engmah bawhchhiat an nei lo tih an sawi avangin court lamah an kal pawh a rinawm. Thiam an chang a nih chuan NewJeans member-te hian a hun hmaa contract an tih tawp chuan SKorean won tld 300 (USD mtd 170) vel an chawi a ngai dawn nia sawi a ni.