Face of Escape winner Anges Lalthlamuanpuii

Keeway Benelli presents Face of Escape Grand Finale chu November 28, Zirtawpni zan khan neih niin result puan nghal a ni a, pakhatna chu Anges Lalthlamuanpuii, Phunchawng a ni. Lawmmanah Keeway RS 125 a dawng.

Runner up-te chu - Vanlalṭanpuia, H. Lalṭhafamkima, Isha Lalhriatrengi leh Victor Vanzathanga te an ni.

Face of Escape hi Mizoram designer Escape Engmoia buatsaih a ni a; runway mai ni lo, photoshoot leh a kaihhanwih hrang hrang atana model ṭha leh hman tlak chher chhuahna tur tih a ni. Intihsiakna tel tura inziak lut, mi 100 chuang aṭanga finalist mi 5 thlan chhuahte chu Aijal Club Park-a Grand Finale-ah hian inelin result puan nghal a ni. Judge te hi Kimkimi (chief judge) bakah Roa Hlondo, Tluangpuii, Hlui Sailo, Rosy K Remsangpuii leh Nunui Rualhleng te an ni. Grand Finale show-ah hian Blue Corn, Latei Hringen leh Project Wallflower te an perform bawk.