Australia-ah Depp a tâng mai thei

Natna an kai leh kai loh te, thunei­tuten uluk taka an en a, an pawmpui thlap hnuah ran reng reng pawh hruai luh an phal chauh ṭhin. Johnny Depp hian a ui chu Australia-ah thuneitute endikna paltlang loa a ken luh avangin kum 10 thleng lung in tân theihna tur thubuai a awrh thei reng.

Johnny Depp te hian Australia-ah hian Pirates of the Caribbean an chang mek a, an channa hmunah hian a awm chilh rih deuh a, an ui pahnih a hruai lut a ni. Uite hi thuneitute endikna paltlang loa a ken luh avangin Australian thuneitute an thin a rim hle a ni.

Australia-a Agriculture Minister, Barnaby Joyce chuan Johnny Depp leh a nupui, Amber Heard te hian an ui hi Australia aṭanga an thawn chhuak vat tura a hriattir hnuah an thawn haw leh tawh a, mahse ran leh ramsa lakluhna dan an palzut avangin hremna erawh an pumpelh loh hmel. Kum 10 thleng jail tân leh dollar 250,000 zet chawitir theih a ni.