Mizo Dance Camp an ṭan dawn

Vawiin aṭang hian Mizo Dance Camp 2015 chu ṭan a ni dawn ta a, hetah hian lâm dan style chi hrang hrang zir ṭhin a ni ang a, Mizo zinga Choreographer leh dancer thiamna nei sang leh hlawhtling tak tak ten an zirtir dawn a ni.

Mizo Dance Camp hi ni tin tlai dar 3 aṭangin class neih ṭhin a ni ang a, July ni 4 thleng neih a ni dawn a, July 4 hian Dance Showcase pui tak, lâm zirte leh zirtirtu ten an entir dawn a ni. Dance class-ah hian naupang Kum 5-13 inkar tan, lam style hrang hrang an thiam nan leh an kum ang rual tana hmasawnna tam zawk a awm nan programme hran siam a ni. A bak kum 13-50 inkar tan dance style hrang hrang thlan tur a awm a, Contemporary, B-boying, Popping, hip hop Commercial, Hip hop lyrical, Latin Ballroom, Heels choreo leh Tutting te a awm.

Inrinni khan MDC 2015 atana lam tui tak tak ten, a thlawna lam an zir theih nan leh an hmasawnna tura puih an nih theih nan Scholarship Audition buatsaih a ni. Dancer 10 thlan chhuah an ni a, hmeichhe 3 leh mipa pathum niin, lam thiam tak tak, hlawhtlinna tam tak la nei thei vek an ni. MDC 2015 atan registrations hawn a la ni a, voiin dar 1 aṭang hian MDC Studio, Electric Vengah tih theih a ni.