Covid-19 dona kawnga hmatawngte tan Tribal Power an che dawn

Covid-19 hripui leng mek kara hmatawnga ṭanga natna dotu frontline worker-te tan Tribal Power chuan zanin hian charity live show an buatsaih dawn.

Mahni nunna thapa ram chhanna atana thawk chhuakte tan zanin dar 8 hian Tribal Power chuan LPS thawhpuiin charity live show an buatsaih dawn a, dar 8-ah LPS 1-ah a en theih dawn a ni. Hemi zan hian Phone kaltlangin sum leh pai a thawh theih dawn a, live show buatsaihtute chuan thlirtute chu sum leh pai thawh turin an ngen a, he hripui leng hi tupawhin kai thei vek kan ni a, chumi a nih avang chuan hri dona kawngah hian theih ang tawk thawh ve turin an ngen a ni. 

Active Sound-in sound lam an buaipui dawn a, Tribal Power bakah hian Arini, Slick Jive, Atari Minor, Coincedance, The Prophets leh Mood Swingers-te pawh he hunah hian an zai dawn.

Show buatsaihna tur hi Chanmari YMA Hall a ni dawn a, hri leng vangin a hmunah hi chuan sawm bik lo chu kal phal a ni dawn lo thung.

Tribal Power hian 'Bengkhuaia Lehkhathawn' music video an tlangzarh nghal dawn bawk a ni.