H1-KEY in fan concert hmasa ber nei dawn

Grandline Group leh Sony Music Korea hnuaia South Korean girl group din, H1-KEY chuan nakkum January 5 hian an group kum thum tlin lawmna pualin ‘H1-KEY 1ST FAN CONCERT: Find My KEY IN SEOUL,’ tih chu an nei dawn.

Yes24 Live Hall-ah fan concert hi an nei dawn a, Korea rama fan concert an neihna hmasa ber tur a ni ang. H1-KEY chuan he special concert atan hian an hla zawng zawng chu live band version-a siam rem vek an tum a, fan-te tan theihtawp chhuahin, an hriatreng tur chhawp chhuah an tum tih an sawi. H1-KEY hian an perform piah lamah, an fanbase MY KEY te surprise an tum bawk. November 20-a an tlangzarh, remix track ‘Re: Thinkin’ About You,’ vangin H1-KEY hian Southeast Asia lamah boruak an nei lian chho hle.