"All I Want For Christmas Is You" aṭangin Mariah Carey-in kum tin USD mtd 2 chuang la lut

Krismas boruak a rawn her chhuah chuan Mariah Carey 1994 hit, '"All I Want For Christmas Is You" chu kumtin a lar thar leh ṭhin. He hla aṭang hian sum pawh a la lut hnem tawh hle.

1994-a tih chhuah daih tawh ni mah se, Mariah Carey hian "All I Want For Christmas Is You" hla aṭang hian kumtin royalty hi USD mtd 2.5 - 3 thleng a la hui lut ziah niin Forbes chuan a tarlang. Kum 30 dawn liam taa a tih chhuah kumah khan royalty hi USD mtd 60 zet a la bawk. He hla hi modern Christmas pop song zingah cover hnem ber zingah a tel a, My Stream Count chuan vawi 1,872,843,557 zet stream a ni tawh tih a sawi bawk. Kuminah pawh Krismas hla sak hlawh leh lar ber zingah a tel leh ngei ang.