Filmfare OTT Awards 2024 : Best Actress-ah Kareena Kapoor

Filmfare OTT Awards 2024 chu DEcember 1, 2024 zan khan Mumbai-ah sem a ni a, Kareena Kapoor Khan chuan Best Actress award dawngin, Diljit Dosanjh chuan Best Actor Award a dawng.

Web series, film leh critics caterogy 39-ah award hi sem a ni. Web series-ah hian Best Series-ah 'The Railway Men' thlan a ni a, Best Comedy (Series/Specials)-ah 'Maamla Legal Hai' thlan a ni bawk. Films category lamah Best Film-ah 'Amar Singh Chamkila' leh Best Director-ah Imtiaz Ali (Amar Singh Chamkila) thlan a ni. Kareena Kapoor Khan hian 'Janne Jaan' aṭangin Best Actress hi a dawng a, Diljit Dosanj chaun 'Amar Singh Chamkila' aṭangin Best Actor a dawng a ni. Critics category-ah Best Series-ah 'Guns and Gulaabs' thlan a ni a, Best Director chu 'Mumbai Diaries Season 2' in dawngin, Best Film-ah 'Jaane Jaan' thlan a ni. Critics category-ah hian Best Actor-ah Jaideep Ahlawat leh Best Actress-ah Ananya Pandy te thlan a ni bawk a ni.