Swift-i bracelet a tangkai

Taylor Swift-i bracelet, êng thei a ṭangkai a, he bracelet vang hian motor accident tawkten ṭanpuitu an hmuh phah.

Louisiana-a Baton Rouge-ah Taylor Swift a concert a, hetah hian Elizabeth Dazzio, a laizawn Caroline leh an ṭhian pakhat chu an kal a, an haw lam chu an car a chesual a, Elizabeth hian nikhua a hre lo a, hmeichhe dang pahnih chu car chhungah chhuak thei loin an awm a ni.

Caroline Dazzio chuan, "Car aṭanga chhuah a ngai tih ka hria a, mahse kan chhuak thei lo. Motor pakhat a rawn kal a, min hmu lo a, min tlan pel a, a hnuah ngaihtuahna ka nei ta a ni. 1989 World Tour bracelet ka neih, êng thei chu ka ti êng a, a hnua motor rawn tlan, hmeichhe pakhat khalh chuan min hmu a, min rawn chhan ta a ni," a ti.