German documentary-ah Prince Harry leh Meghan Markle sawisel

Netflix-a German documentary tih chhuah thar, "Harry: The Lost Prince" ah Prince Harry leh a nupui, Meghan Markle te chu senior royal family member nihna an bansan chungchangah na taka sawsel an ni.

He documentary-ah hian Harry leh Meghan-te chu US-a charity activist leh campaigner angin an awm a, an khawsak dante sawiselin, an nupain ram rethei zawk, Nigeria leh Colombia an tlawh laite an pho lannaa Markle-i'n designer clothes man to tak tak a hakte chu an kap zui bawk. British lal chhungkaw chungchang an sawisel vak chunga, US-a nuamsa taka an khawsak theihna atana Lal chhungkaw member an nihna chu sum lak luhna atana hmang ṭangkaiah an puh bawk. Hei bakah hian an charity organisation, Archewell hlutna chu 2021-ah USD mtd 13 a nih laiin 2022-ah USD mtd 2 ah a tla thla nghal tih an tarlang bawk.