Shinsegae Christmas campaign-a 'Santa' atan Karina

South Korean girl group, aespa member Karina chu Shinsegae Department Store-in Christmas campaign a neihah 'Santa' thar atan ruat a ni.

Shinsegae Department Store chuan an official Instagram account-ah aespa singer leh rapper, Karina thlalak hi dahin, Santa thar an neih thu hi an puang a, an profile picture-ah pawh Karina thlalak hi an hmang zui bawk. Karina hi aespa bakah kum 2022-a din, supergroup Got the Beat member a ni bawk. January thla khan Converse Korea chuan ambassador atan a lo ruat tawh a, April-ah Korea rama Vitamin C drink brand lar, Vita 500 Zero model atan thlan a ni bawk. August thlaah fashion e-commerce company, Musinsa chuan ambassador atan ruatin, hemi thla vek hian Italian luxury fashion house, Prada chuan an global ambassador atan an lo ruat tawh bawk.