Dua Lipa-i'n Bollywood hla a telh chungchangah singer a lawm lo

Pop star Dua Lipa-i'n November 30, 2024-a Mumbai-a concert a neihnaah, a hla Levitating a perform laiin Shah Rukh Khan channa, 'Baadshah' (1999) film hla, Wod Ladki Jo nen a pawlh a, mipui lamin an lawm viau laiin Abijeet Bhattachary erawh mipuite chungah a lawm lutuk lo.

'Wod Ladki Jo' hi Anu Malik leh Javed Akhtar te phuah a ni a, a film-ah hian playback singer Abhijeet Bhattacharya hian a sa a ni. Mahse concert-naa Dua Lipa-in a hla nen a rawn pawlh hian mipui leh online lama lo thlirtute chuan a hla phuahtu leh satu lampang aiin, Shah Rukh Khan ringawt an sawi zui a ni. Kum 64 mi, Bhattacharya chuan hei hi Dua Lipa thiam loh a ni lo a, SRK thiam loh pawh a ni lo tiin, mahse tumahin a hla phuahtu emaw, a satu emaw lam an sawi lo chu pawi a tih thu sawiin, he hla atana tha thawhtute lo hriat zui ve chu a pawimawh a ni, a ti.