AC/DC in 2025 North American tour bon tak neih tum

Legendary rock band, kum 1973-a din, AC/DC chuan kum 10 dawn hnuah kum 2025 hian North American tour bon tak neih an la tum.

Australian band hian April 10, 2025 aṭangin North American tour hi Minneapolis-ah an ṭan dawn a, stadium 13-ah show neiin May 28 thleng tour hi an nei dawn a ni. Hei hi Power Up Tour an neih mek peng pakhat atana tih niin, he tour hi kumin May 15 khan Gelsenkirchen, Germany-ah ṭan a ni. Kum 2020-a an tih chhuah, an studio album 17-na, 'Power Up' puala an buatsaih a ni. Kum 2023-a Indio, California-a 2023 Power Trip festival-a inlan hnuah tour hi an nei a ni. Europe ram eng emaw zatah tour hlawhtling takin an nei tawh a ni. AC/DC hi Rock and Roll Hall of Fame ah lak luh an ni tawh a, an album-te hi copy mtd 200 chuang an hralh tawh bawk.