Kendrick Lamar-an entawntlak nih a duh

Thil ṭha tih zawnga intihsiak hi intihsiakna ṭha a ni a, Kendrick Lamar hi hman thla khan mite ṭanpuina kawnga a thawh ṭhat em avangin Kendrick Lamar hi California State Senate chu Generation Icon Award a hlan a, hei hi Lamar a tiphur a, thil ṭha tih zel a châk.

Kendrick Lamar hian tun aia ngaihhlutawm zawk thil ṭha tih a duh a, a fan-te tana entawntlak, a nunzia zir tlak nih a duh tih a sawi. "Kan ṭhenawm hnaivaiah naupang tam tak an awm a, TV an en a, min lo hmu ṭhin a, 'Kendrick Lamar anga midangte a thil ṭha kawhhmuhtu nih ve ka duh' an han ti nak nak hi chu ngaihthlak a nuam a ni," a ti.

Lamar hi Taylor Swift nen Bad Blood hla an sa dun a, a video hi tunhnai lawk khan Taylor Swift hian a tichhuak. Swift leh Lamar hi inhmelhriat ṭha tak an ni a, Lamar chuan, "A fan ka ni a, ani pawh hi ka music ngaina em emtu a ni," a ti.