Maggi vanga thubuai Amitabh, Madhuri leh Preity Zinta

Tunlaiin India-ah Maggi a ṭha lo tih finfiah a nih avangin titi a tam hle a, Maggi-ah hian monosodium glutamate (MSG/ Hmeh hân/ Ajinomoto) a tam avangin mihring hriselna atan a ṭha lo a, thuneitute lam pawhin an buaipui a ni. He thubuai kal zelah mi pakhat chuan Bollywood star - Amitabh Bachchan, Madhuri Dixit leh Preity Zinta te lakah thubuai a thehlut tel.

Maggi-ah hian phal chin aia tam hmeh-hânna an telh bakah mihring tana hlauhawm tham lead a awm bawk. Mihring tana hlauhawm tham loha ngaih, telh phal chin chu 0.01 parts per million a nih laiin, Maggi-ah hian 17 ppm zet a awm a ni.

Muzaffarpur-a mi pakhat, a hming tarlan loh chuan Nestle India lakah thubuai thehlutin, Maggi a ei hnuah a damlo tih a tarlang a, he thubuai a thehluhah hian Amitabh, Madhuri leh Preity Zinta te pawh a hêk tel a, an advertisement-ah Maggi a lang tel a, chu chuan ei ve châkna a siam niin a sawi.

Hemi chungchangah hian Bihar-a Muzaffarpur-a police-te hnenah FIR thehluh a ni a, police-te chuan an pawm a ni.