Apple Music chart-ah Taylor Swift chungnung

Apple Music chuan December 3, 2024 khan year-end charts ti chhuakin, Taylor Swift chu kum 2024 chhunga artist stream nasat ber a nih bakah, a album hnuhnung ber, The Tortured Poets Department' pawh album stream hlawh ber a ni bawk.

Swift studio album 11-na, 'The Tortured Poets Department' hi December 3 vek khan 6x platinum a tling tih Recording Industry Association of America chuan a puang bawk. He album hi Billboard 200 album chart-ah kar 15 zet No 1 a ni bawk. Apple Music-in 2024 atana top stream artist leh top stream album a puan hnuah, Swift pawhin social media kaltlangin lawmthu a sawi ve nghal bawk. A hlate an lo ngaihthlaksak avangin he dinhmun hi thleng thei a nih thu sawiin, fan-te chungah lawmthu a sawi a ni.