2024 Gotham Awards : Best Feature-ah 'A Different Man'

Gotham Film & Media Institute huaihawt, 34th Annual Gotham Awards chu December 2, 2024 khan an ram huna Cipriani Wall Street, New York-ah neih a ni. Award ngaihhlut ber, Best Feature-ah dark comedy film 'A Different Man' thlan a ni.

Best Actor-ah 'Sing Sing' actor, Colman Domingo thlan a ni bawk. 'Sing Sing' hi New York tan-ina tang, Divine G tia sawi chanchin niin, tan in chhunga arts programme a neih dan chungchang a ni. Nikum September thla khan Toronto Film Festival-ah premier ni mah se, tih chhuah hun hi tikhawtlaiin kumin nipuiah an tlangzarh chauh thung. Best Director-ah RaMell Ross 'Nickel Boys' thlan a ni bawk.

Gotham Awards-ah hian mipa leh hmeichhia category hranga thliar loin chhunkhawm vek an ni ṭhin.