Ariana Grande chawimawi dawn

Ariana Grande chu rimawi chauh ni lo, lemchan lamah pawh a thawm a lian chho zel. "Wicked" film-a Glinda lemah hnehsawh taka a chan avangin Palm Springs International Film Awards-ah award ngaihhlut tak, Rising Star Award hlan a ni dawn. He award hi Gal Gadot, Terrence Howard, Anna Kendrik, Scarlett Johansson, Jennifer Lawrence leh Alicia Vikander te pawhin an lo dawng tawh a ni.

Festival chairman, Nachhattar Singh Chandi chuan 'Wicked' film-a Grande performance chu a fak hle a, Glinda a rawn lantir dan chu a fakawm thu sawiin, Rising Star Award pawh hi a phu hle tih a sawi. Palm Springs International Film Awards hi January 3, 2025 hian Palm Springs Convention Center-ah neih a ni ang. Grande channa, 'Wicked' hi box office lamah pawh a che ṭha hle a, National Board of Review chuan kum 2024-a film ṭha berah a thlang bawk a ni. He movie hi Broadway musical adaptation a ni a, North America-ah broadway musical adaptation-a sum la lut hnem ber a ni tawh bawk.