Blackpink documentary NETFLIX-ah

NETFLIX chuan Nilaini khan thuchhuah siamin K-Pop girl band hlawhtling tak Blackpink documentary 'Blackpink: Light Up the Sky' chu October 14 hian an pe chhuak dawn tih an sawi.

'Blackpink: Light Up the Sky' -ah hian Jennie, Jisoo, Lisa leh Rose-te interview exclusive takte leh an footage kan la hmuh ngai lohte tihlan a ni dawn.

Salt Fat Acid Heat siamtu Caroline Suh chu Blackpink documentary director hi a ni a, nikuma Coachella festival-a an inlan vel thleng kha he documentary-ah hian a lang dawn a ni. Blackpink hi K-pop girl band zinga Coachella festival-a perform thei hmasa ber an ni.

Netflix vice president of docu­mentary features Adam Del Deo chuan director Caroline Suh leh Jisoo, Jennie, Rose, leh Lisa-te inkara inkungkaihna ṭha tak awm vangin K-pop group chhe lo takte chu an fan-ten chiang zawkin an hre thei dawn tih a sawi.

K-pop quartet-te hian October 2 hian an Korean studio album hmasa ber an tlangzarh dawn a, hemi album-a mi tur single pahnih 'How You Like That' leh Selena Gomez an thawhpuina 'Ice-Cream'-te chu an tlangzarh tawh a, tunhnaia khawvel huap ang pawha hla lar ber a ni mek ve ve a, an album tihchhuah thar tur pawh hi hralh a kal hle ang tih a rin thiam theih.

Blackpink hian,"Kan mimal chanchinte khawvel hmun hrang hranga Blink-te hnena Netflix kaltlanga hrilh hi kan chak tawh hle! He film hian thlirtuteah hlimna a thlen ngei kan beisei a, kum li liam ta chhunga kan zinhona kawng an thlir tur chuan lawmna a thlen ngei kan beisei a ni." tiin thuchhuah an siamah an tarlang ve bawk.