'Eras Tour Book'-in lehkhabu hralh tam record siam

Taylor Swift chuan 'Eras Tour' hmanga music industry lamah record eng emaw a siam hnuin, thla 20 chhunga tour a neihna hmun hrang hranga thlalak 500 dah khawmna lehkhabu tih chhuah chuan lehkhabu hralh tam record a siam ve leh bawk.

'Eras Tour Book' hi Black Friday khan tih chhuah niin, tlangzarh karah hian US-ah copy 814,000 hralh a ni. He lehkhabu phek hmaah hian Swift hian a tour neih chungchang, a nuna nghawng a neih dan, a team te inpekna leh fan-te vanga hlawhtlinna ropui tak nei thei a nih chungchang a ziak lang. Typing mistake bakah tih sual dang a tam a, mahse heti chung hian 2020-a record siamtu, Barack Obama 'A Promised Land' chu tlangzarh kara hralh tam lamah a rawn khum thei tho a ni.