Trump-a'n TikTok deadline pawhsei tum lo

US President Donald Trump chuan Chinese company, ByteDance hnena an short video app, TitToK American assets hralh tura hun a pek chu pawhsei a tum lo tih a sawi. 

Trump chuan  TikTok apps hmangtute information chu China sorkarin a nei thei nia sawiin, an ram security tan a him lo tih a lo sawi tawh a ni. Mahse US company-te hnena an hralh duh a nih erawh chuan hun tiam siamin a phalsak thung a, September 15 thleng hun a pe a ni. August 6 khan thupek tichhuakin, ni 45 chhunga company-in a assets a hralh loh chuan US-ah khap a ni dawn tih a sawi a ni.