Billboard 200: Kendrick Lamar-a'n No 1 ni thei album 5 nei ta

Billboard 200-ah Kendrick Lamar studio album parukna, 'GNX' chu No1 niin, album chart-ah hian No 1 ni thei album panga a nei ta.

Hip-hop artist hian 'GNX' hi puangzar lawk loin November 22-a a tih chhuah kha a ni a, Top Streaming Albums-ah pawh No 1 a ni nghal bawk. Kar liam ta chhungin US-ah equivalent album unit 310,000 neiin, he album-a hla 12-te hian on-demand official stream mtd 379.72 an nei. Album sales hi 32,000 a nei tling bawk a ni.

Kendrick Lamar hian kum tharah RZA nen North American stadium tour an nei dawn tih a puang bawk. 'Grand National Tour' hi April - June, 2025 chhungin stadium 19-ah an nei dawn tih a sawi.

No 2-ah 'Wicked' film soundtrack rawn langin, equivalent album unit 139,000 a nei. Billboard chart-ah tlangzarh kara stage musical adapation a chet ṭhat ber ṭum a ni. Sabrina Carpenter 'Short n' Sweet' chu No 3-ah a rawn chho bawk a, equivalent album unit 69,000 a neih belh leh. Hetih lai hian No 1 dinhmun pawh lo hauh tawh, Tyler, The Creator 'CHROMAKOPIA' chu No 5-ah a tla thla a, Billie Eilish 'Hit Me Hard and Soft' chu Top 5-ah a rawn lang ve thung.