'Harry Potter' HBO series siam turah audition ti 32,000 an awm

Warner Bros. Discovery-in 'Harry Potter' series a siam turah a lead role chan tuma inlan, audition ti naupang 32,000 zet an awm.

Showrunner Francesca Gardiner leh director Mark Mylod chuan casting team-in nitin audition tape hi 500 - 1,000 uluk taka an enfiah thu an sawi. A changtu turte hi thlan chhuah an la ni lo a, mahse nakkum nipuiah Leavesden ah shooting hi an neih ṭan tur thu an sawi. Hei hi Harry Potter movie an channa hmun kha a ni. Changtu turte an laknaah hian a lehkhabua character te kum mil tur tak ang an zawng dawn tih Gardiner leh Mylod chuan an sawi a, puitling chang tur chu UK-a theatre actor an zawn tur thu an sawi. Kum 2023, April thla khan Harry Potter series siam a ni dawn tih hi puangin, a movie-a changtute ni lo mi thar vek lak an ni dawn tih an sawi a ni, kumin September aṭang khan a lead role, Harry, Ron leh Hermione chang tur audition hi an nei a ni.