BTS V leh Bing Crosby duet-na ti chhuak

BTS member V leh Bing Crosby-ten 'White Christmas' an sak dunna chu nimin khan an ti chhuak.

Bing Crosby hi kum 1977 khan a boral tawh a, 'White Christmas' hi kum 1942 khan a ti chhuak a ni. Nimina V nena an duet version tih chhuahah hian Crosby-a'n kum 1950-a he hla a sakna hi hman a ni a, V hian a lo sakpui a ni. Animated MV siamin, Bing Crosby-a'n Santa tawlailir hmanga Krismas thilpek a sem lai, V-a ui duhtak Yeontan in a zui laite an ti lang. 'White Christmas' hi Irving Berlin phuah niin, best-selling song of all time niin, Guinness World Records-in a tarlan danin copy mtd 50 chuang hralh a ni tawh. Kum 1942 khan musical film 'Holiday Inn' hmangin Oscar ah best original song-ah thlan a ni a, 1974-ah Grammy Hall of Fame ah lak luh a ni.