Demi Lovato leh Marshmello-te'n Awareness hla ṭha tak an tlangzarh

Demi Lovato leh Marsh­mello-te chuan an lo puanzar lawk tawh angin hla thar 'OK Not to Be OK' chu Ningani khan 'World Suicide Prevention Day' denchhenin an tlangzarh.

'OK Not to Be OK' atan hian Hope for the Day pawl an thawhpui a, an hla thar pawh hi suicide prevention leh mental health education awarness lam hawi a ni a, an music video pawhin awmzia a nei hle.

Hannah Lux Davis-direct music video-ah hian Marshmello leh Lovato-te hi an naupan laia an bedroom ni awm takah an tho chhuak a, Marsh­mello room-ah A7X Unholy Confession era poster hmuh tur a awm bawk. Hemi awmzia hi an naupan lai, mahni an la inven thiam hma lantirna tur a ni.

YouTube lama video an dah chhuahah chuan mahni intihhlum pumpelh dan kawng nia an hriat te tarlangin a hla thu chu an tarlang tel bawk.