Taylor Swift 'Eras Tour' an khar ta

Pop superstar, Taylor Swift 'Eras Tour' chu tour a neih ṭan aṭanga ni 1,989 naah Vancouver, Canada-ah an ram huna nizan, December 8, 2024 zan khan khar a ni ta.

'Eras Tour' hi Taylor Swift concert tour vawi rukna niin, March 17, 2023 khan Glendale, Arizona-ah a ṭan. Khawmualpui pangaa khawpui 53-ah tour hi nei kualin, show 149 a nei a, a concert chhimtu hi mtd 10.1 an tling. Swift team lam chaun ticket sale aṭanga an sum hmuh chhuah zat hi la puang chiah lo mah se, show 121 aṭangin USD tld 1.93 a la lut tawh a, hei vang hian a show pumpui aṭang hian USD tld 2 chuang la lutin an chhut. Elton John record lo siam tawh, kum nga chhung Farewall Yellow Brick Road Tour a neih aṭanga USD mtd 939 a lak luh chu a khum chiang hle a ni.

Swift chuan Eras Tour chu chauh thlak tak, rilru sen ngai leh midangin an hual rengna a nih rualin, a nuna thil thleng tawha hlimawm leh ropui ber a nih thu a sawi.