ZOFEST 2024 Miss leh Mister thlan a ni

Mizo Zirlai Pawl (MZP) buatsaih, Zohnam khawmpui lian, ZOFEST neih zawh takah ZOFEST Miss atan Lalrinzuali leh Mister atan C. Lalremruata thlan an ni.

ZOFEST hi December 3-6 chhung khan West Phailengah neih a ni a, Miss leh Mister thlannaah hian Zofa hnam peng hrang hrang aiawh an inlan. Miss ZOFEST 2024 atana thlan, Lalrinzuali hi Lusei aiawh niin Aizawl North College zirlai a ni a, Mister ZOFEST 2024 C. Lalremruata pawh hi Lusei aiawh, PUC zirlai a ni.