Ashtalakshmi Mahotsav hawnnaah Esther Hnamte zai

DoNER Ministry-in India hmarchhak state puala a buatsaih, Ashtalakshmi Mahotsav chu December 6-8 chhungin New Delhi-ah neih a ni. December 6-a hawnna inkhawmah Esther Hnamte chuan 'Vande Mataram' mawi takin a sa.

Prime minister Narendra Modi-a'n December 6, 2024 khan Bhaat Mandapam-ah Ashtalakshmi Mahotsav 2024 hi a hawng a, he hunah mi pawimawh tak tak telin, hmarchhak state chief minister leh an aiawhte an tel. He hunah hian Esther Hnamte hi a zai bakah, PM Modi hnenah Northeast mascot doll, 'Poorvi' a pe bawk a ni. Kum 2020 khan PM Modi hian Esther-in Vande Mataram leh Maa Tujhe Salaam hla a sak chu thiam a tih thu leh, a chhuan thu pawh Twitter (X ni ta) ah a lo post tawh a ni. Esther Hnamte hi Mizo zingah YouTube-ah subscriber ngah ber niin, subscriber hi mtd 1.02 a nei tling tawh.