Eugenio Derbez-a'n Selena Gomez ngaihdam a dil

Mexican actor leh comedian, Eugenio Derbez chuan Netflim musical movie, 'Emilia Pérez' a Selena Gomez performance a sawisel vak hnuah, Gomez hnenah ngaihdam a dil leh.

Hablando de Cine podcast-ah Derbez hian Gomez-in film-a Spanish-a a ṭawng dan chu a sawisel nasa hle a, a performance chu sawisel loh theih loh a ni, a ti. He film-ah hian Gomez hi Jessi del Monte lemah changin, Spainish-a a ṭawng a ngai a, mahse he ṭawng hi a nal bik lo hle a ni. Gomez hian TikTok comment lamah a sawiselna hi a chhang let a, a theihtawp a chhuah a, mahse hun a nei tlem hle tih a sawi. Hemi hnu hian Derbez hian ngaihdam dilna lehkha hi a post zui a, ngaihtuah chiang lo taka a lo sawi ve vak chu pawi a tih thu leh, Gomez chu a eizawnna leh a rilru ṭha tak avanga a ngaihsan tak zet thu a sawi zui leh a ni.