Wizard of Oz movie-a pheikhawk bun UD mtd 28 in hralh

Classic movie, The Wizard of Oz-a actress July Garland pheikhawk bun chu Inrinni liam ta khan US-a lilamnaah USD mtd 28 in an hralh.

He pheikhawk, ruby-a chei a sen pum hi film-a pheikhawk bun li an hman zinga pakhat niin, a hmain Minnesota museum aṭangin ruk chhuah a lo ni tawh bawk. Lilamtu, Heritage Auction chuan he pheikhawk hi USD mtd 3 vela hralh theih an inbeisei laiin, an beisei phak bakin an hralh. An lilamna aṭanga an thil hralh chhuah tawh zinga man to ber a ni zui ta a ni. The Wizard of Oz hi L Frank Baum-a'n1900-a naupang lehkhabu a ziah, The Wonderful Wizard of Oz musical adaptation a ni a, 1939-a tih chhuah a ni. He film a chan lai hian Garland hi kum 16 mi chauh a ni a, film-ah hian pheikhawk eng emaw zat a bun a, mahse heng zingah bun li chauh hi an ṭha tawh a ni.