Swift-in Eras Tour team tan bonus USD mtd 197 a pe

Taylor Swift chuan khawvela music tour sum la lut tam ber, 'Eras Tour' a neih zawh takah a hlawhtlinna kawnga puitu, a team-te duhsakna hlanin, a team tan hian bonus USD mtd 197 zet a pe.

Swift-in a team tana bonus a pek hi tour aṭanga a sum lak luh, USD mtd tld 2 aṭanga 10% dawn a tling pha. He bonus hi tour hlawhtlin theihna tura tha thawhtu zawng zawng - truck driver, caterer, sound technician, production staff, band member leh therapist ten an dawng vek a ni. Kum 2023 August thlaa Eras Tour American leg vawi khatn a zawh khan Swift hian a team tan hian bonus USD mtd 55a lo pe tawh bawk. Eras tour hi a hlawhtlinpui bakah, a tour neih laia a album tih chhuah, "The Tortured Poets Department" chu kumina album chhuak zinga hlawhtling ber niin, "Eras Tour" book pawh tlangzarh karah copy 800,000 chuang a hralh bawk.