Benzema leh Rihanna

An inngaihzawn leh zawn loh chu a hriat loh a, mahse Rihanna leh French player Karim Benzema te chuan hma elkhênah zing chaw an ei dun.

Thawhlehni khan New York-ah, zing dar 5-ah Coppelia-ah Rihanna leh Karim Benzema te hian chaw an ei dun a, an pahniha miin thla an lakdun loh nan a hranpa ve vein an chaw eina hmun hi an chhuahsan. Hemi zan hian Rihanna hi Coppelia aṭanga hla vak lo, Griffin nightclub-ah an party a ni.

Hemite pahnih hi nikum World Cup aṭang khan social media lamah an lo inbe zeuh zeuh tawh a; France-in Germany an hneh loh ṭum khan Rihanna hian Benzema twitter-ah '@Benzema i (chak loh avanga) natna kha ka hrethiamin ka tawrhpui che,' tih a ziak a, Benzema hian '@rihanna, harsatna tel lo chuan a hlawhtlin theih hleihnem, min ṭan avangin ka lawm e,' tiin a chhang let a ni.

Zing chaw an ei dun hi romantic breakfast a ni nge ni lo tih a hriat loh a, mahse an inngaizawng ṭan a nih chuan Rihanna tan hian sportsman pahnihna a ni ang. Kum 2010 khan, Chris Brown nena an inṭhen hnu khan Rihanna hian baseball star Matt Kemp a lo ngaizawng tawh a ni.