US-ah 'Spy' film a hlawhtling

North America-ah chuan kar tawp chhunga movie zinga sum lalut hnem ber chu Spy film a ni. He movie hian kar tawp chhung khan dollar mtd 30 a lalut.

Spy film-ah hian Melissa McCarthy, Jason Statham leh Jude Law te an chang a, US bakah hian ram 54-ah chhuah a ni a, heng aṭanga sum an hmuh zawng, kar tawp chhung bik chauh khan dollar mtd 25.6 niin, US pawn aṭanga sum an hmuhchhuah tawh zawng zawng chu dollar mtd 56.7 lai a tling tawh a ni.

Melissa hi CIA a ni a, ralthuam tawlh rukna lian tham em em mai chhui chhuak tura inpe a ni a, Jude Law nen an thawk dun. Hei bakah hian khawvelah chhiatna rapthlak tak eng emaw thleng thei a ni a, chung harsatna sukiang a, ralthuam tawlh ruk, a bikin nuclear bomb lam chi man chhuak tura an beihna leh chhiatna laka khawvel chhanhim tura an thawhna film a ni.

Pahnihnaah San Andreas a awm a, The Rock-a channa hi a la lawhtling hle zel a ni. Kar tawp chhung khan he movie hian dollar mtd 23 lai mai a lakluh belh a, hengte nen hian US bikah dollar mtd 99.1 zet a hlawh chhuak ta.

Box office movie

"Spy" - $30

"San Andreas" - $26.4

"Insidious Chapter 3" - $23

"Entourage" - $10.4

"Mad Max: Fury Road" - $8

"Pitch Perfect 2" - $7.7

"Tomorrowland" - $7

"Avengers: Age of Ultron" - $6.2

"Aloha" - $3.3

"Poltergeist" - $2.8