Miley Cyrus single thar a chhuak

Miley Cyrus chuan a single, 'Beautiful That Way' a ti chhuak. He hla hi Gia Coppola film siam, Pamela Anderson channa, 'The Last Showgirl' tana a record a ni. He hla hi 2025 Golden Globes nomination-ah Best Original Song-a nominate a ni. Cyrus hian kum 2009 khan Disney 'Bolt' a a hla, 'I Thought I Lost You' chu he category-a nomination ah a lo lanpui tawh bawk.

'Beautiful That Way' hi Cyrus, Lykke Lii leh Andrew Wyatt ten an siam a ni. Cyrus chuan he hla hi film soundtrack chauh ni lo, mimal nun tarlanna hla a ni, a ti. "The Last Showgirl" film hi Toronto International Film Festival-ah premier ni tawhin, December 13 hian theatre thlan bikah tih chhuah a ni ang a, nakkum January 10-ah khawvel huapin tlangzarh a ni thung ang. He film hmang hian Pamela Anderson pawh Golden Globes-ah nominate a ni a, awards show-a nominee a nih ṭum khatna a ni.