Film chang dun turin Brad Pitt leh Angelina Jolie sawm

Hollywood-a nupa lar ber zinga mi ni ṭhin, Brad Pitt leh Angelina Jolie-te chu inṭhen tawh mah se, USD mtd 60 hlawha film chang dun turin an sawm.

Pitt leh Jolie te hi an inṭhen hnuah an inkar boruak a ṭha lo dun hle. Mahse hemi karah hian non-fiction love story, 'The Hotel Martinez'-ah chang dun turin producer Danny Rossner chuan a sawm. He film hi Indopui II-na hun laia mi pahnih inhmangaihte chanchin a ni. Rem an tih chuan on-screen lamah 'Brangelina' kan hmu leh thei dawn a ni. Brad Pitt hian film pakhatah USD mtd 20-25 vel hlawh ṭhinin, Angelina Jolie hian USD mtd 15 a hlawh ṭhin a, mahse Rossner hian an rate pangngai ai tam fe pek inhuamin, Pitt hi USD mtd 37.5 leh Jolie hi USD mtd 22 pek a inhuam tih a sawi. Pitt leh Jolie te hi 2024 film, 'Mr & Mrs Smith' an chan dun aṭanga intawngin, kum 2014-ah a innei a, fa paruk an nei. Mahse kum 2016 khan an inṭhen a ni.