Google-a Bollywood film zawn hlawh ber 'Stree 2'

Google-in Year in Search 2024 report a tih chhuahah, kum 2024 chhunga Google-a Bollywood film zawn hlawh ber chu 'Stree 2' a ni a, 'Kalki 2898 AD' '12th Fail' leh 'Laapataa Ladies' ten an dawt.

Horror-comedy 'Stree 2' ah hian Shraddha Kapoor leh Rajkummar Rao an chang a, box office lamah a che ṭha hle a,Rs vbc 837 zet a la lut a ni. Prabhas, Deepika Padukone, Amitabh Bachchan leh Kamal Haasan te channa, 'Kalki 2898 AD' chu Bollywood film zawn hlawh ber dawttu niin, he film hian Rs vbc 1,100 chuang a la lut a ni.

Vikrant Massey-a film ,nikum kumtawp lamah tih chhuah, kumin kumtir lama award ṭhahnem tak lo latu '12th Fail' chu pathumnaah awmin, Oscar nomination-a lang pha. 'Lapaataa Ladies' chu palina a ni a, 'Hanu-man' chu Top 5-ah a lang bawk.

Google-a Bollywood film zawn hlawh 10 zingah hian 'Maharaja', 'Manjummnel Boys' 'The Greatest of All Times', 'Salaar' leh 'Aavesham' te an lang bawk a ni.