Huawei-in phone thar an tichhuak hnai

Chinese phone company lian Hua­wei chuan an phone siam chhuah, an chhuan em em, Honor thar an tichhuak leh hnai tawh a, hengte hi Honor 7 leh Honor 7 Plus te a ni.

Honor 7 hi Rs. 20,000 man vel tura beisei a ni a, inchi 7-a hlai screen a nei ang a, display hi 1080 a ni ang. A thluak ber, a processor hi 935 Kirin chipset a ni dawn a, 3GB RAM a nei ang a, on-board storage hi 16GB tur a ni.

Honor 7 Plus hi 4GB RAM a ni a, internal storage 128 GB zet a ni dawn a, a hmai hi inchi 5.5-a hlai a ni ang a, display 1080 tho a ni. Processor hi 950 Kirin a ni thung ang a, a hnunglam camera hi dual lens a ni dawn. Hei bak hi chu he phone chanchin dang tarlan a tam lo hle a, Honor 7 leh Plus te hian Android Lollipop an hmang ve ve dawn a, Honor 7 hi 3280 mAh battery a ni ang a, 7 Plus hi 4,000 a ni thung ang.