Zaninah Arm Wrestling Competition & Concert : Youth Icon star J. Lalrosanga a che dawn

Mizoram Tourism Department buatsaih, AR Lammuala Winter Festival 2024 neih mekah zanin hian Arm Wrestling Competition leh concert neih a ni dawn. Tunlai zaithiam boruak nei lian ber, Youth Icon star J. Lalrosanga pawh a rawn che dawn a, a pui dawn.

Arm Wrestling Competition & Concert hi Pro Panja leh Mizoram Sports and youth Service Deparmtent huaihawt niin zanin dar 7 aṭangin ṭan a ni dawn a, Sports minister Lalnghinglova Hmar in a hmanpui ang. Ban inelh kar lakah hian zaithiamte hi an rawn che ṭhin dawn a ni. Fanbase nei ṭha, J. Lalrosanga hi zanin atan guest artist niin, T. Vanlalhmangaihi, Mizo Idol bakah band ṭha - Dreamhunter, Spacecadets leh The Catalyst (Linkin Park tribute band) te chetla kan hmu thei dawn bawk. Ban inelh hmuhnawm tak en rualin, Mizorama artist lar leh band ṭha te chetla kan hmu thei dawn a ni.