'Red One'-in Prime Video record a siam

Dwayne "The Rock" Johnson leh Chris Evans te channa, 'Red One' chuan Amazon Prime Video-ah ni li chhungin view mtd 50 neiin ni li chhunga view ngah ber record a siam.

'Red One' hi box office lamah an beisei angin che ṭha lo mah se streaming lamah a che ṭha ta hle thung. A tirah pawh streaming lamah chauh tih chhuah tura an ruahman a ni a, mahse theatre-ah an ti chhuak hmasa leh ta zawk a ni. USD mtd 250 budget, action comedy hian theatre lamah sum pawh a la lut tam lo a, khawvel huapa a sum hmuh chhuah hi USD mtd 175 a ni. Mahse streaming service lamah a chet ṭhat avangin sum tam tak an hmuh belh ngei a rinawm a, hei hi a siamtute lam innghahna pawh a ni bawk. An beisei ang ngeiin streaming lamah chuan a rawn che ṭha ta hle a ni. He film-ah hian Lucy Liu, Keirnan Shipka leh J.K. Simmons te an chang ve bawk.