Diljit Dosanjh-a'n India-ah perform a tum tawh rih lo

Pubjabi singer Diljit Dosanjh chuan Inrinni liam taa Chandigarh-a concert a neihnaah, infrastructure tih changtlun a nih hma chuan India ramah perform a tum tawh lo tih a sawi.

Dosanjh hian ‘Dil-Luminati Tour’nei mekin North America, Europe leh India-ah show hlawhtling tak tak a nei a ni. Chandigarh-a show a neih ṭum hian live show neihna tur chuan infrastructure a ṭhat tawk loh thu a sawi. A tour hi April 27 aṭang khan Vancouver, Canada-ah a nei ṭan a, Vancouver-a BC Place Stadium-ah mi 54,000 chuang an pungkhawm a ni. India ram pawn lama Punjabi performance-a mipui an punkhawm tamna ber a ni. European leg-ah Paris, Amsterdam, leh London-ahte show neiin, South Asian artist zingah The O2 Arena-a show vawi thum nei thei hmasa ber a ni bawk. December 19 hian Mumbai-ah show hi nei lehin, December 29-ah Guwahati-ah a kharna, grand finale a nei ang.