Global Warming - sawi uar uchuak em ni?

A kum telin khawvel chu a lum ngei a, mahse chanchinbu leh thil danga kan hmuh leh ngaihthlak ṭhin ang em em erawh chu a ni lo a ni mai thei, National Oceanographic and Atmospheric Admi­nistration (Noaa)-a scientist-te chuan "Kum 15 kaltaa khaw dan leh kum zabi liam taa khawlum chhoh dan hi a inthlau lutuk lo. Amaherawhchu khawvel hi lum chu a lum tial tial tih erawh phatrual a ni lo ang," a ti.

University of Reading-a scientist, Dr. Ed Hawkins chuan Noaa-ina an chhui chianna uluk taka a zir hnuah, "Hun hmasa lama kan lo ngaih ang em em chuan khawvel khawlum zawng hi a sang chak lem lo a, hei hi nasa taka kan lo sawi ṭhin vang a ni ngei ang," a ti. Met Office Hadley Centre-a mi, Dr. Peter Stott chuan, "Khawvel lum zawng hi nasa takin a pung lo. Tun kum 15 kalta chhunga khawlum chak dan hi a hma kum 15 aiin a nasa lo zawk a ni," a ti bawk.

Intergovernmental Panel on Cli­mate Change (IPCC)-in khawvel pum lum dan a ennaa, kum 1951 aṭanga kum 2012 chhunga khawlum belh dan chawhrual chu, kum 10 chhungin 0.12C a ni a, kum 1998 aṭanga kum 2012 chhung bikah chuan 0.05C chauhin a lum belh a, hun hmasa lam ai chuan khawlum chak dan a tlahniam hle a ni.